Inaxio Kortabarria
  | |||||||||||||||||||||||||||||||||||||||||||||||||||
| Biografía | |||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 31 de xullo de 1950 (74 anos) Mondragón, España | ||||||||||||||||||||||||||||||||||||||||||||||||||
| Altura | 182 cm | ||||||||||||||||||||||||||||||||||||||||||||||||||
| Peso | 79 kg | ||||||||||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||||||||||
| Ocupación | futbolista | ||||||||||||||||||||||||||||||||||||||||||||||||||
| Período de actividade | 1971 - 1985 | ||||||||||||||||||||||||||||||||||||||||||||||||||
| Nacionalidade deportiva | España | ||||||||||||||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||||||||||||||
| Posición de xogo | Defensa | ||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||
_con_palla_e_corona.png){kind=small}
Inaxio Kortabarria Abarrategi, nado en Arrasate (Guipúscoa) o 31 de xullo de 1950, é un ex futbolista vasco. Xogaba de defensa central e foi capitán da Real Sociedad na década de 1970 e comezos dos anos 1980.
Traxectoria
[editar | editar a fonte]Xogador formado na canteira da Real Sociedad, debutou no primeiro equipo en 1971, tras xogar os anos anteriores no filial, o San Sebastián Cf. Kortabarria mantívose 14 tempadas no primeiro equipo do club donostiarra, nos que disputou 355 partidos de Liga e anotou 16 goles. En total disputou 442 partidos oficiais e marcou 22 goles coa Real.
Coa Real Sociedade viviu a consolidación do club na Primeira división española e posteriormente os anos dourados deste club. Logrou o subcampionato de Liga de 1979-80, no ano no que a Real bateu unha marca de imbatibilidade aínda vixente na competición doméstica española. Logrou os títulos de Liga de 1980-81 e 1981-82. Tamén gañou a Supercopa de España de 1982, primeira edición dese torneo, e alcanzou as semifinais da Copa de Europa en 1983.
Foi autor do primeiro gol da Real Sociedade no histórico empate a 2 de 1981 contra o Sporting de Xixón que supuxo o primeiro título de Liga da Real Sociedade. Tamén é lembrado por saír o 5 de decembro de 1976 durante os prolegómenos dun derbi vasco xunto ó capitán do Athletic Club, José Ángel Iribar, ó céspede do Estadio de Atotxa portando unha Ikurriña. Daquela, esta bandeira era aínda ilegal e a foto de ambos os capitáns portando a insignia vasca converteuse nunha importante icona da transición no País Vasco e un importante fito no proceso de legalización e aceptación dese símbolo.
A súa retirada produciuse en 1985, a piques de cumprir os 35 anos de idade. O seu posto na defensa realista viña sendo ocupado dende 1983 de forma habitual por Agustín Gajate.
Selección nacional
[editar | editar a fonte]Foi internacional coa Selección de fútbol de España en 4 ocasións, sen marcar ningún gol.
Malia ser un dos mellores defensas españois da época, Kortabarria non volveu xogar coa selección española despois de 1977. Esa ausencia debeuse á renuncia do propio xogador á selección. Kortabarria é o único futbolista vasco que renunciou pública e abertamente a xogar coa selección española por mor das súas ideas independentistas.[1]
Tamén disputou 2 partidos amigables coa selección de fútbol do País Vasco.
Notas
[editar | editar a fonte]- ↑ Inaxio Kortabarria Arquivado 30 de marzo de 2016 en Wayback Machine. Erreala.com
